माझी एक सांज अशी जात नाही...

साद शब्दांना घालेन मी...

नसेल कुणी सोबतीस माझ्या
एकटाच ध्येयाकडे चालेन मी
वाटलंच एकाकी जर का मला
आर्त साद शब्दांना घालेन मी

विश्वासाने माझ्या खांदयावर विसावलीस तू...

विश्वासाने माझ्या खांदयावर विसावलीस तू अन
माझ्या मनातील सारी वादळे मनातच शांत झाली
तुझं छोटं होऊन माझ्या कुशीत मुसमुसत रडण्यानं
मला माझ्या लग्नाआधीच निरागस लेक मिळाली

अन मग मी माझा राहत नाही...

खुप बोलावसं वाटतं तुझ्याशी
पण शब्द ओठांवर येत नाही
तूही कधीतरी हलकंच हसतेस
अन मग मी माझा राहत नाही

गलबत किनार्‍याकडे हाकारलं नाही...