जर तुझ्या जगात उलथापालथ होताना
कुणी तुझ्या हाकेला ओ दिलीच नाही,
तुला आधाराची नितांत गरज असताना
निसटत्या क्षणी मदत मिळालीच नाही,
कातरवेळी दूर जाणा‍र्‍या वाटेकडे पाहूनही
मायेचा स्पर्श करणारं कुणी आलंच नाही,
नजरेमध्ये गगनभरारीचं स्वप्न असताना
तुझ्या पंखांना कुणी जर बळ दिलंच नाही,
जर कधी झाकोळून गेलं निळं आभाळ सारं
तू भर दर्यात अन कधी बेईमान झालं वारं,
निरव एकाकी वाटेत तू अडखळत असताना
कुणीच नसेल बाजुला तुला आधार देणारं,
माझ्या खांद्यावर विश्वासाने डोकं ठेव अन
तुझ्या आसवांना तू वाट मोकळी करुन दे
विसरुन जा जिवलगा सार्‍या जगाला अन
मनामध्ये नवी उमेद पुन्हा एकदा भरून घे
2 अभिप्राय:
नमस्कार, तुमचा संपर्क पत्ता मिळेल का?
नमस्कार, तुमचा संपर्क पत्ता मिळेल का? जरा निकडीनं हवा होता...
जर तुम्हाला अभिप्राय द्यायचा असेल तर...
ही अनुदिनी तारीख आणि वेळ वगळता पूर्णपणे मराठीत आहे. परंतू जर आपण अभिप्राय देण्यासाठी वरील दुव्यावर टिचकी मारलीत तर तुम्ही अशा पानावर जाल जिथे अभिप्राय देण्यासंबंधीच्या सूचना राष्ट्रभाषा हिंदी मध्ये आहेत...